Ontsnapping
my gedagtes ontvlug, ont
snap
val by die trappe af
en neuk die straat in
hulle stop die eerste bus
en klim bang en paniekerig in
want hulle wil my laste nie dra nie
wil nie meer hulle werk doen nie
my gedigte hardloop
weg
en spring van die derdeverdiepingbalkon
af
sleep hulself met gebreekte bene
na die naaste taxi en klim in
kyk benoud agter hulle
of ek hulle nie dalk gevolg het nie
maar ek het nie
want dis nogal moeilik
om iemand te volg
as jy blind is
Leave a Reply